Nú ið Arna er farin, rennur hugurin aftur til seinasta summar, tá ið eg og Herbert vóru í Rennuni í føðingardegi hjá Lonu. Har var hugnalig at sita í tí gamla køkinum. Arna var eitt av teimum mongu systkinabørnunum hjá Hans Mariusi. Eg fekk ikki skil á øll systkinabørnini, men rennusystrarnar eru so raskar at ferðast aftur til Dals, so tær sær mann við hvørt. Takk fyri blíðskapin, og friður yvir minnið um Arnu!
10ð í Føroya studentaskúla var námsferð í Dali 17-18 mars 2011. Vit komu suður hósdag um 5 tíðina. Tá ið vit høvdu lagt viðførið í Eiriksgarð, fóru vit ein langan túr, vit gingu niðan á sýn, har torvhúsini hjá dalbingum eru. Tá ið vit komu aftur til bygdar, fingu vit nátturða, og so var kvøldseta í Eiriksgarði. Vit hoyrdu Vilhelminu siga frá sínum barndómi, tá ið hon fór til handils og hevði einar hosur við, men ongar pengar, onkur keypti fyri egg, onkur annar fyri ull. Naturaliubúskapur. Vilhelmina hevur lært skaldskap av mannamunni, júst av mannamunni. Hon bar upp skjaldur og sang eina danska vísu. Jóanes í Stórhúsi spann við langan favn, Eyðbjørg og Annfinn nappaðu, Sjúrður karðaði, og Henny og Liljan bundu troyggjubul saman. Næmingarnir lurtaðu væl og sluppu eisini at royna seg. Aftaná vóru bólkar, sum arbeiddu við hvør síni søgn, uttan ein bólkur, sum skrivar dagbók um túrin. Í morgun fingu tey morgunmat í Putlhúsi og so aftur at gera bólkaarbeiði. Vit fóru aftur úr Dali 12.50.
Eg verði heilt avindsjúk at síggja tey fara at ferðast, tað er so deiligt at ferðast. Familjan í USA
Tað er vakurt tá fannakavin so hvítur hylur landið, ballar foldina inn í hvítt klæði og verjir spírar og røtur móti stormi og frosti. Myndirnar eru frá Vilhelminu.
Dalssíðan ynskir familjuni góðan túr
Nú fara vit !
Vit fara úr Dali sunnudagin 13 mars kl 13 ,við Teistanum kl 14
úr Vágum til Reykjavíkar 14 mars kl 16,40
úr Keflavík til New York 15 mars kl 17,05
Vænta at vera í New York 3 -5 dagar ætla so at koyra spakuliga suðureftir.
Vera nokk í Florida um páskirnar,vit hava ikki nakra ávísa rutu ,
vit vita bara at vit flúgva úr Seattle 12 juni kl 12,30 til íslands og
heim til Føroyar 13 juni ,vera í Vágum kl 15.
Vit vera 8 fólk á túrinum Bødvar -Helga- Róða-Bjørt-Hjartvar-Tórunn-Astrid og Herdis !
Heimasíðan ein kann fylgja okkum á eitur      getjealous.com/dalur-usa
heilsan Bødvar
